தேசிய அடையாள அட்டை விநியோகம்

பதிவு செய்யப்படுவதற்கு உட்படுகின்ற நபர்கள்.

கீழே 1 முதல் 6 வரையான சட்டப் பிரிவுகளில் விபரிக்கப்படும் நபர்கள் பதிவு செய்யப்படுவதற்கு உட்படமாட்டார்கள் என்பதோடு, அதற்கான உரிமையும் இல்லை.

1. 1948 ஆம் ஆண்டு 20 ஆம் இலக்க குடிவரவு குடியகல்வுச் சட்டத்தின் கீழ் தங்களுக்கு வழங்கப்பட்ட செல்லுபடியான வீசா அல்லது .................
2. குடிவரவு குடியகல்வுச் சட்டத்தின் 2(1) ஆம் பிரிவின் கீழ் இடப்பட்ட கட்டளை/ கட்டளைகளுக்கு அமைவாக அச்சட்டத்தின் III ஆம் பிரிவு நடைமுறைப்படுத்தப்பட்டதன் காரணமாக விடுவிக்கப்பட்ட நபர்.
3. 1967 ஆம் ஆண்டின் 4 ஆம் இலக்க இந்து – இலங்கை ஒப்பந்தத்தினை நடைமுறைப்படுத்தும் சட்டத்தின் கீழ் விநியோகிக்கப்பட்ட செல்லுபடியான வதிவதற்கான அனுமதிப்பத்திரத்தினைக் கொண்ட நபர்.
4. குடிவரவு குடியகல்வுச் சட்டத்தின் 10 ஆம் பிரிவின் ஏற்பாடுகளை மீறி 1971.04.05 ஆம் திகதியிற்கு முன்னர் அல்லது அத்தினம் அல்லது அதன் பின்னர் இலங்கைக்கு வருகைதந்துள்ள அல்லது வருகைதரும் நபர்கள்.
5. குடிவரவு குடியகல்வுச் சட்டத்தின் 15 ஆம் பிரிவின் ஏற்பாடுகளை மீறி 1971.04.05 ஆம் திகதி அல்லது அதன் பின்னர் இலங்கையில் தங்கியிருக்கும் நபர்கள்.
6. 1967 ஆம் ஆண்டின் 4 ஆம் இலக்க இந்து – இலங்கை ஒப்பந்தத்தினை நடைமுறைப்படுத்தும் சட்டத்தின் 15 ஆம் பிரிவின் கீழ் இலங்கையிலிருந்து இந்தியாவுக்கு அனுப்புவதற்கு நியமிக்கப்பட்ட நபர்கள்.

இவ்வாறான நிலைக்கு உட்படாத 1971.04.05 ஆம் திகதி அல்லது அதன் பின்னர் இலங்கையில் வசிக்கும் அல்லது இலங்கைக்கு வருகை தரும் மற்றும் 15 வயது பூர்த்தியடைந்த அல்லது பூர்த்தியடையும் அனைத்து நபர்களும் பதிவு செய்யப்படுவதற்கு உட்படுவார்கள்.

பதிவு செய்வதற்காக விண்ணப்பிக்கக்கூடிய உச்ச பட்ச காலப்பகுதி மற்றும் பொருத்தமான வயதெல்லை.

• 1971.04.05 ஆம் திகதியன்றோ அல்லது அதன் பின்னர் இலங்கைக்கு வருகை தந்த அல்லது சட்டத்தின் கீழ் பதிவு செய்யப்படக் கூடிய நபர்களினால், அவர்கள் இலங்கைக்கு வருகை தந்து 6 மாத காலத்தினுள்.
• சட்டத்தின் 2 (2) பிரிவின்படி பதிவு செய்யப்படுவதற்கு  உற்படாத நபர், அதன் பின்னர் அந்நபர் பதிவு செய்தலுக்கு உட்பட்ட நாளிலிருந்து 6 மாத காலப்பகுதியினுள்.
• 1981 ஆம் ஆண்டு பெப்ரவரி 27 ஆம் திகதியின் பின்னர் 15 வயதினைப் பூர்த்தி செய்தவர்கள், சட்டத்தின்கீழ் பதிவு செய்வதற்கு உரித்துடையவர்கள், அனைத்து நபர்களும் தாம் 15 வயதினைப் பூர்த்தி செய்த தினத்திலிருந்து ஒரு வருட காலப்பகுதிக்குள்.

பதிவு செய்து முதல் தடவை அடையாள அட்டை பெற்றுக் கொள்வதற்காக முன்வைக்க வேண்டிய ஆவணங்கள்

ஆ.ப.தி/வி/1,7,8 மாதிரிப்படிவத்துடன் கிராம சேவையாளர் மற்றும் பிரதேச செயலாளர் அல்லது அதிகாரமளிக்கப்பட்ட உத்தியோகத்தர் ஒருவரினால் உறுதிப்படுத்தப்பட்ட கீழ் குறிப்பிடப்படுகின்ற ஆவணங்களின் போட்டோ பிரதி. (முன்வைக்கப்பட்டுள்ள பிரதிகளினூடாக விண்ணப்பதாரரின் பெயர் மற்றும் பிறந்த திகதி உறுதிப்படுத்தப்பட வேண்டும்)

• பிறப்பு அத்தாட்சிப் பத்திரம் அல்லது பிறப்பு அத்தாட்சிப் பத்திரத்திலிருந்து பிரித்தெடுக்கப்பட்ட பகுதி

அல்லது

• உத்தேச வயதுச் சான்றிதழுடன் பிறந்த திகதியை உறுதிப்படுத்தக் கூடிய ஆவணம் (பிள்ளையின் பிறப்பு அத்தாட்சிப் பத்திரம்/ பாடசாலை  விடுகைப் பத்திரம்/ தோட்டவிடுகைப் பத்திரம்/ உறுதிப்படுத்தப்பட்ட ஜாதகப் பிரதி/ திருமணப் பதிவுச் சான்றிதழ்/ பிரஜா உரிமைச் சான்றிதழ்/ சத்தியக் கடதாசியின் மூலப் பிரதி)
• பிரஜா உரிமைச் சான்றிதழ் (தொடர்பு படுத்துங்கள்)

40 வயதிற்கு மேலான பிறப்பு அத்தாட்சிப் பத்திரம் அல்லது உத்தேச வயதுச் சான்றிதழ் இல்லாத விண்ணப்பதாரர் தமது பெயர் மற்றும் பிறந்த திகதியை உறுதிப்படுத்துவதற்காக கீழ்வரும் ஆவணங்களை முன்வைக்கவும்

• மேலதிக மாவட்டப் பதிவாளரால் விநியோகிக்கப்பட்ட தேடுதல் விளைவுப் பத்திரம்.
• பெயர் மற்றும் பிறந்த திகதியை உறுதிப்படுத்திக் கொள்வதற்காக ஏற்றுக் கொள்ளக்கூடிய எழுத்து மூல சாட்சி (பிள்ளையின் பிறப்பு அத்தாட்சிப் பத்திரம்/ பாடசாலை  விடுகைப் பத்திரம்/ தோட்டவிடுகைப் பத்திரம்/ உறுதிப்படுத்தப்பட்ட ஜாதகப் பிரதி/ திருமணப் பதிவுச் சான்றிதழ்/ பிரஜா உரிமைச் சான்றிதழ்/ வயோதிபர் அடையாள அட்டை)
• பெயர், பிறந்த திகதி மற்றும் பிறந்த இடத்தினை உறுதிப்படுதுவதற்காக சத்தியக் கடதாசியின் மூலப் பிரதி. (மாதிரியினைத் தொடர்பு படுத்துங்கள்)

 பதவியை உறுதி செய்வதற்காக முன்வைக்க வேண்டிய ஆவணங்கள்

• அரச பிரிவு – 6 மாத காலத்தினுள் பெற்றுக் கொள்ளப்பட்ட சேவைச் சான்றிதழின் மூலப் பிரதி
• தனியார் பிரிவு - 6 மாத காலத்தினுள் பெற்றுக் கொள்ளப்பட்ட சேவைச் சான்றிதழின் மூலப் பிரதி.
• வைத்தியர், பொறியியலாளர், வழக்கறிஞர், பட்டயக் கணக்காளர் மற்றும் கட்டடக்கலைஞர் போன்ற பதவிப் பெயர்களை உள்ளடக்குவதற்காக பட்டச் சான்றிதழ் மற்றும் தொழில் தகைமைச் சான்றிதழ் முன்வைக்க வேண்டும்.
• ஓய்வூதியர் என்பதை உள்ளடக்குவதற்காக ஓய்வூதியக் கடிதம்/ ஓய்வூதிய அட்டை முன்வைக்கப்பட வேண்டும்.

அடையாள அட்டை விநியோகிப்பதற்குத் அவசியமான ஏனைய ஆவணங்கள்

• பௌத்த துறவி ஆயின் பௌத்த மத அலுவல்கள் அமைச்சினால் பெற்றுக் கொள்ளப்பட்ட சாமனேரு/ உபசம்பதா சான்றிதழ்.
• ஏனைய மதகுருமார்களுக்காக உரிய திணைக்களம் மூலம் பெற்றுக் கொள்ளப்பட்ட சான்றிதழ்.
• துறவு வாழ்க்கையிலிருந்து மீண்ட பின்னர் அது தொடர்பில் பௌத்த மத அலுவல்கள் திணைக்களத்தினால் பெற்றுக் கொடுக்கப்படும் சான்றிதழ்
• வாழ்க்கைத் துணையின் பெயரைப் பெற்றுக் கொள்வதற்காக - திருமணப் பதிவுச் சான்றிதழ்
• இலங்கை தாய் அல்லது தந்தைக்கு வெளிநாட்டில் பிறந்த நபர் ஒருவர், குடிவரவு குயகல்வுத் திணைக்களத்தினூடாக இலங்கைப் பிரஜாவுரிமையினைப் பெற்றுக் கொண்டமை தொடர்பில் வழங்கப்படும் பிரஜாவுரிமைச் சான்றிதழ். (தொடர்பு படுத்துங்கள்)

•  இரட்டைப் பிரஜா உரிமை  உள்ள நபர்களாயின் இரட்டைப் பிரஜா உரிமைச் சான்றிதழ். (தொடர்பு படுத்துங்கள்)
• 1 3/8 x 7/8 அங்குல அளவிலான 3 வர்ணப் புகைப்படங்கள் முன்வைக்கப்பட வேண்டும். (பின்னணி வர்ணம் – ஆகாய நீலம்/ Sky Blue)

• முத்திரைக் கட்டணம்: 3.00 ரூபா
• குறிக்கப்பட்ட உரிய கால எல்லைக்குள் (தொடர்புபடுத்துங்கள்) பதிவு செய்வதற்கு தவறுகின்ற விண்ணப்பதாரர்கள், கால தாமதத்திற்கான காரணங்களை குறிப்பிட்டு கிராம உத்தியோகத்தர் மற்றும் பிரதேச செயலாளர் ஊடாக அதனை உறுதிப்படுத்தி ஆணையாளர் நாயகத்திற்கு சமர்ப்பிக்க வேண்டும் ............................ (இலக்கம்) என்ற மாதிரி (தொடர்புபடுத்துங்கள்)
• விண்ணப்பப்படிவங்களை உறுதிப்படுத்தல்:
  • கிராம உத்தியோகத்தர் (கிராம உத்தியோகத்தரால் உறுதிப்படுத்தப்பட்ட விண்ணப்​பப்படிவங்களில் பிரதேச செயலாளர் மேலொப்பமிடுவது கட்டாயமானது).
  • பாடசாலை மாணவர்களாயின் பாடசாலை அதிபர்.
  • தோட்ட வதிவாளர்களாயின் தோட்ட அதிகாரி.
  • விசேட தேவைகள் மற்றும் காரணங்களின் போது ஆட்களைப் பதிவு செய்யும் ஆணையாளர் நாயகம் மூலம் அதிகாரம் வழங்கப்பட்ட உத்தியோகத்தர்.

• காணாமல் போன அடையாள அட்டைக்காக இணைப்பிரதியைப் பெற்றுக் கொள்ளல்.

  க.கொ.: காணாமல் போன அடையாள அட்டைக்காக இணைப்பிரதியினைப் பெற்றுக்கொள்ள விண்ணப்பிக்கும் நபர் இணைப்பிரதியினைப் பெற்றுக்கொண்ட பின்னர் காணாமல் போன அடையாள அட்டை மீண்டும் கிடைக்கப் பெறுமாயின் அல்லது கண்டெடுக்கப்படுமாயின், உடனடியாக ஆணையாளர் நயாகத்திற்கு அனுப்புவதற்கான நடவடிக்கைகள் மேற்கொள்ளப்பட வேண்டும்.

  காணாமல் போன அடையாள அட்டைக்காக இணைப்பிரதி ஒன்றினைப் பெற்றுக் கொள்வதற்காக சமர்ப்பிக்கப்பட வேண்டிய ஆவணங்கள்.

  2014/09/01 ஆம் திகதியின் பின்னர் விநியோகிக்கப்பட்ட அடையாள அட்டைக்கான இணைப்பிரதியினை பெற்றுக் கொள்ள விண்ணப்பிக்கும் போது பிறப்பு அத்தாட்சிப் பத்திரத்தின் விபரங்களில் மாற்றங்கள் காணப்படாதவிடத்து மீண்டும் பிறப்பு அத்தாட்சிப் பத்திரத்தினை முன்வைப்பது அவசியமன்று. ஆனபோதிலும் அவ்வாறான ஒரு நபர் அடையாள அட்டையில் தொழில் பெயரினைப் பெற்றுக் கொள்வதற்கு அமைவான  ஆவணங்களை முன்வைக்க வேண்டும். அவ்வாறே பிரஜா உரிமை, இரட்டைப் பிரஜா உரிமையினைப் பெற்றுக் கொள்ளல், துறவறம் பூணுதல், துறவறத்திலிருந்து விலகுதல், திருமணமாகுதல் ஆகிய மாற்றங்கள் ஏற்படுமாயின் அதற்குரிய ஆவணங்கள் சமர்ப்பிக்கப்பட வேண்டும்.

• காணாமல் போன அடையாள அட்டை பெறல்
• திருத்தம் மேற்கொள்ளும் அடையாள அட்டை
• பிறப்புச் சான்றிதழின் பெயரை இணைத்தல் அல்லது மாற்றுவது

பிறப்புச் சான்றிதழின் பெயரை இணைத்தல் அல்லது மாற்றுவது

7 வயதுக்கு மேற்பட்டோருக்கானது. -
    கிறிஸ்தவ சான்றிதழ்-மாணவர் சோதனையாளர்
    செய்திப் பத்திரிகை விளம்பரம் - வங்கிப் புத்தகம்
    தேசிய / தோற்றப்பாட்டு அடையாள அட்டை - இடைக்கால சான்றிதழ்.
    அரசு அல்லது வேறு நிறுவனங்களின் அறிக்கைகள். 
    உறுதிப்படுத்தப்பட்ட வாக்காளர்  பதிவு.
மேலே குறிப்பிடப்பட்ட ஆவணங்களுள் குறைந்தது ஒன்றையாவது நீங்கள் கையளிக்க வேணடும்.

இதற்கு மேலதிகமாக
   வின்னப்படிவம்.
   திருத்தப்பட்ட  மூலப்பிறப்பு  சான்றிதழ்.
   பிரதேச செயலாளரின்  ஒப்பத்துடன் கூடிய கிராம சேவகரின் கடிதம். இது  ஒரே மாதரியான பெயர் கொண்ட பிள்ளைகளுக்கு உரியது.

கவனத்தில் கொள்ளப்பட வேண்டியது
   21 வயதுக்கு மேற்பட்ட பிள்ளை யின் பெயர் மாற்றம் செய்ய வேணடுமாயின் , அது தொடர்பான   அறிக்கை  பெற்றோர்கள் மூலமாகவோ, பாதிகாவலர மூலமாகவோ  கையளிக்கப்பட வேண்டும்.
   புதிய பெயரானது குறைந்தது ஒரு வருட காலமாவது  பாவணையில் இருக்க வேண்டும்.

 7வயதுக்கு கீழ் பட்ட பிள்ளைகளுக்கு.
    திருத்தப்பட்ட   மூல பிறப்பு சான்றிதழ் .

    பெற்றோர்களது திருமண சான்றிதழ்.

    தாய்/ தந்தை இனது தேதசிய அடையாள அட்டை.

     பெற்றோருக்கு ஆட்சேபனை இல்லை எனில் அது தொடர்பான  உறுதிச் சான்றுதல்.

இவ் ஆவணம் பிள்ளைகளின் பெற்றோர்களினால்/.பாதுகாவலர்களினால்  கையளிக்கப்பட வேண்டும்.
திங்கள் மற்றும் புதன் கிழமைகளில் மாத்திரம்  ஆவணங்களுடன் அலுவலகத்திற்கு வரவும்.

பிறப்பு சான்றிதழில் தாயன் பெயர் திருத்தம்

   திருத்தப்பட வேண்டிய மூல பிறப்பு சான்றிதழ்.

   தாயினுடைய  மீலப்பிறப்பு சான்றிதழ்.

   தாயினுடைய தேசிய அடையாள அட்டையின் பிரதி.

   பெற்றோரினது  திருமண சான்றிதழின் பிரதி.

தந்தை/பாட்டனின் பெயர் திருத்தம்/குடியுரிமை   அல்லது பெயர் உள்ளடக்குதல்

   மாற்றப்பட வேண்டிய மூலப் பிறப்பு சான்றிதழ்.

   தந்தையின் மூலப் பிறப்பு சான்றிதழ்

   பெற்றோரின் மூலத்திருமணப் பிரதி.

   தாய்/தந்தையின்  தேசிய அடையாள அட்டை பிரதி.

காலம் பிந்திய பிறப்பு பதிவு.

   பிறப்பு விவரணம். (மூலப்பிரதி)
   தடுப்பூசி அட்டையின் பிரதி
   பெற்றோர்  விவாகம் ஆனவராயின்  அவர்களது திருமண சான்றிதழ் பிரதி.
   பெற்றோரினது  மூலப்பிறப்பு சான்றிதழ்.
   பெற்றோரினது தேசிய அடையாள அட்டையின் பிரதி.
   பிறப்பு ஒரு வருடத்திற்கு  குறைவாயின் ரூபா 50/= பெறுமதியான முத்திரையும்,ஒரு வருடத்துக்கு மேலாயின் ரூபா   100/=  பெறுமதியான முத்திரையும் தேவையாகும்.

    தயவு செய்து மேலே குறிப்பிட்ட ஆவேணங்களை மாவட்ட பதிவாளரிடம்  கையளிக்கவும்.

காலம் பிந்திய இறப்பு பதிவு.

 வைத்தியசாலையில் மரணித்தவராயின் .வைத்தியசாலையினால் வழங்கப்படும்  மரண சானறிதழ்.

   கிராம சேவகரின் சான்றிதழ்.

   கண்டனம்/ மரண அறிவித்தல்

   கொள்வனவு செய்த சவப்பெட்டியின்  பற்றுச்சீட்டு.

   தற்போது பன்சலையில் பதவி வகிக்கும் பிரதம மதகுருவின் கடிதம்.

   மரணித்து ஒரு வருடத்திற்கு குறைவயின் ரூபா 50/= பெறுமதியான முத்திரையும் மரணித்து ஒரு வருடத்திற்கு     அதிகமாயின் ரூபா 100/- பெறுமதியான முத்திரையும் தேவைப்படும் /பிறப்பு சான்றிதழ்/திருமண சான்றிதழ்/ தேசிய  அடையாள அட்டடையின் பிரதி.

தயவு செய்து  மேலே குறிப்பிட்ட ஆவணங்களை  திணைக்களத்தினுடைய  பதிவாளரிடம்  கையளிக்கவும்.